Association Tɔnfingbe ná Nya Nukɔn, ɖo ɔlɔ ɖo ɔlɔ mɛ mɛ kpó WYCLIFFE Bénin kpó, bɛyi onukpinkplɔn do ɔjɔ mɔ́ ɖe okwa tɔn ná ɛmɛ ɖé lɛ ji ɖo ɔhɔnkan yetɔn ji ɖo AIDE René xwɛ ɖo SÔ-AVA. É bɛ sɔn azan 17 do jɛ azan 19tɔ ɛxɛkudɔdɔmɛsun oxwé 2024tɔ tɔn mɛ. Yé bɛyi onukpinkplɔn lɔ́ do hanvu nyinyi ji, do koklo nyinyi ji, do azwii nyinyi ji, do kounki ɖiɖa ji, do aɖi ɛsinnɔ ɖiɖa ji kpó cɔnmɔ bibɛyi kpó ji. Ɛgbɛtɔ sɛ ogban hunkɔ ní wa kplɔn onu lɔ́ lɛ. Yé yi nugisi tawun, bɔ ye un gɔ nya syɔ́n mɛ kpó xomɛ hunhun ɖaxo kpó. Ɖó yé ná yi nugisi lɔ́ lɛ zan ná do hɛn okwazinkan yetɔn lɛ lo do.
Participants à l'Atelier ISE (Impact des Saintes Ecritures) tenu dans la salle de Conférence de l'Arrondissement de Sô-Ava du 2-4 août 2021.
Zinzín wekún wiwe lɛ tɔn bɛyi bɛdokpɔ nuwiwa ɖemɔ́ ni hɛn ɛmɛ mɔ́nukunnu jɛ oxo Mawu tɔn lɛ go tɔn nado zan ye ɖo kpikpe mɛ. É gɔ nyi akpaxwe ɖemɔ́ ye bɛyi ɔzɔnwanú sise kpo yɛ kɔn do adǒ go mɔ́ ni syanwan oxo Mawu tɔn ji lɛ kpo tɔn ɖe.
Yè nɔ́ bɛyi vaxɔ azan ɔtɔn mɛ tɔn susu nado hɛn ɛgbɛtɔ lɛ ylɔ ogbè yetɔn ɖɔ onu, un gɔ hɛn ɛ nya nukɔn.
Association Tɔfingbe ná Nya Nukɔn bɛyi agbahwinhwlɛn ná ɛmɛ mɔ́ gisi ohan ji tawun kpó ɛmɛ mɔ́ gisi onu xlɛ tawun do Tɔfingbe mɛ lɛ kpó ji. Agbahwinhwlɛn lɔ́ nyi bibɛyi ɖo azan 22tɔ ɛxɛkudɔdɔmɛsun tɔn oxwe 2024tɔ tɔn mɛ ɖo oxɔ wunnyawunnya lɛ tɔn mɛ ɖo SÔ-AVA. Onu ekɛ́n lɔ́ nyi bibɛyi ná do gɔ ɔlɔ na Tɔfinnu lɛ ná yé ní do ji ohan un gɔ nɔ́ xlɛ onu do ogbe yetɔn mɛ. Ɖo níhín, ɛmɛ lɛ ná gisi okwaxixɔ Tɔfingbe tɔn ɖo xi lɛ bǐ.
Bɛ sɔn azan 25tɔ do jɛ 27tɔ Otɔfinfɔ́nsun oxwe 2024tɔ tɔn mɛ, Association Tɔfingbe ná Nya Nukɔn ɖo ɔlɔ ɖo ɔlɔ mɛ mɛ kpó WYCLIFFE Bénin kpó bɛyi onukpinkplɔn ná ɛmɛ lɛ do onuxixo oto mítɔn mɛ tɔn lɛ ji ɖo ɔhɔnkɑn yetɔn ji ɖo AIDE René xwɛ ɖo SÔ-AVA. Ɛgbɛtɔ mɔ́ gisi ohan kpa un gɔ gisi jiji sɛ́ ogban hunkɔ ní wa ɛtɛn lɔ́ mɛ. Yé sɔn tokpɔnlavi SÔ-AVA tɔn lɛ bǐ mɛ do wa. Ohansinnɔ ekɛ́n lɛ wa yi onukpinkplɔn ekɛ́n lɔ́ ná ye ní do singan nɔ́ kpa ohan un gɔ nɔ́ ji ohan do Tɔfingbe mɛ kpó ohunkpa tɔfinnu lɛ tɔn lɛ kpó. Ɖo níhín bibɛyi mɛ, yé ná nɔ́ ze onuwaca tɔfinnu lɛ tɔn do aga.
